Voyager 1 er i rommet mellom stjernene og er ute av "bobla til "sola". Der har ingen romsonde vore før. No er det oppdaga eit interessant signal, ei jamn summing, som stammar frå bølgjer som går gjennom spreidde partiklar i rommet. Voyager har «lytta» til desse vibrasjonane. Omsett til lyd har signalet ein frekvens på rundt 3 kHz. Funnet er publisert i tidsskriftet Nature Astronomy.
Den jamne summinga gjer det mogleg å kontinuerleg måla tettleiken av partiklar som Voyager 1 reiser igjennom. Jo tettare det er, jo høgare blir frekvensen, blir det forklart i ei pressemelding frå NASA.
Tidlegare har forskarar måtta venta på at det skjer utbrot på sola for å kunna måla dette.
Les nærare om funnet og heile intervjuet med professor Boris Gudiksen i artikkelen
"Voyager 1 har oppdaget en jevn summing fra plasma i rommet mellom stjernene".