Institutt for teoretisk astrofysikk er "Best på fest" 2016. Det er klart etter at deira hattebidrag vart krona med den gjæve publikumsprisen under årets REAL moro-arrangement på Matnat-fakultetet.
Institutt-leiar Viggo Hansteen var iført ein hatt som illustrerte vårt eige solsystem. Kreasjonen bestod av ein gul-sprayet sykkelhjelm som sol, med badeball-planetar festa til armeringsjern roterande rundt. Dei andre festdeltakarane lét seg tydelegvis imponera ettersom "solsystemet" vann den elektroniske avstemminga over beste hatt. Farmasøytisk institutt vart tildelt fagprisen.
Foto: Yoshiaki Kato
"REAL moro" er eit årleg arrangement kvar tilsette ved Matematisk-naturvitskaplege fakultet, Realfagsbiblioteket, Naturhistorisk museum og Naturfagsenteret møtest til sosialt lag.
Og når Realfags-einingane ved UiO samlast, er det naturleg at ein konkurrerer seg i mellom. Årets konkurranse "Så hatten passar" gjekk ut på å laga den finaste hatten, med følgjande statuttar:
- Det skal gå tydeleg fram noko som institutt hatten representerer.
- Den vera berekraftig - det vil seia mogleg å bera.
Hattebidraga vart båra av leiarane ved dei respektive einingane, og lagt fram for alle dei tilsette (sjå video øvst i saka).
ITA rettar ein stor takk til verkstadene på IBV og Fysikk for skruar, skiver, klipping av armeringsjern og drilling av sykkelhjelm.
Foto: Kristine Aall S. Knudsen