Føresegna av tidspunkt for påska har vore eit viktig tema i dei kristne kyrkjene frå dei tidlegaste tider, og var ofte bakgrunn for strid.
Dei fleste har lært at påskedagen er første søndag etter første fullmåne etter vårjamdøgn. I 2019 er påskedagen den 21. april. Korleis stemmer det? Ser ein etter i Almanakk for Noreg, ser ein at vårjamdøgn 2019 er 20. mars, kl. 22:58 norsk normaltid. Vidare er det fullmåne 3 timar og 45 minutt seinare, den 21. mars kl. 02:43. Første søndag etter 21. mars er 24. mars.
Kvifor er ikkje påskedagen i 2019 den 24. mars, men 4 veker seinare, den 21. april?
