I koordinerte pressekonferansar over heile verda 10. april vart det første direkte visuelle beviset på eit supermassivt svart hol og dets skugge avslørt. Astronomane som deltek i prosjektet Event Horizon Telescope (EHT)-Collaboration kunne avsløra at dei har lykkast i å stadfesta ein hendelsehorisont.
– Me har sett det me trudde ikkje var mogleg å sjå. Me har sett og teke bilete av eit svart hol, fortalde prosjektdirektør for EHT, Sheperd S. Doeleman frå Harvard-Smithsonian Center for Astrophysics.
Biletet viser hendingshorisonten: ein ringliknande struktur med ein mørk sentralregion – skuggen av det svarte holet. Alt me har visst om svarte hol fram til i dag, har vore basert på indirekte data samla frå enorme avstandar. Dette har no endra seg som eit resultat av EHT-samarbeidet.
Nokre forskarar ved UiO har forskingsfelt tett opp til temaet svart hol. Her forklarer dei kva nytte dei har av kunnskapen.