Jotunheimen nasjonalpark er heim til Noregs høgaste fjell, brear og permafrost. Her finn vi òg Noregs høgastliggjande tverrfaglege forskingsarena for natur og klima, gjennom prosjektet Fjellviten.
På Juvflye arbeider forskingsgrupper i Fjellviten-prosjektet saman for å forstå fjella betre, og korleis dei har vorte, blir og vil bli påverka av klimaendringar. Prosjektet samlar Norsk Fjellsenter og Klimapark 2469, saman med leiande forskingsinstitusjonar – mellom anna Institutt for geofag ved Universitetet i Oslo – for å utvikle «verdens viktigste klasserom», der høgfjellet blir brukt som kunnskapsarena.
Høgfjell påverka av klimaendringar
Hovudmålet med Fjellviten-prosjektet er å formidle og vidareføre kunnskap om klima- og miljøendringar i høgfjellet gjennom innovative formidlingsteknologiar.
Den viktigaste målgruppa for Fjellviten sitt formidlingsarbeid er elevar i vidaregåande skule, saman med ungdom og andre som er interesserte i klimaendringar i nordområda og i fjella i Noreg.
Lær meir om prosjektet: www.norskfjellsenter.no
Den nye kortfilmen er tilgjengeleg på YouTube på norsk, og ein versjon med engelske undertekstar:
Sjå filmen på YouTube: https://www.youtube.com/watch?v=4HXCWa1vEjM
Film og foto: Frys Film AS @FRYSFILM | Graphics: Space & Time
Fjellviten – bidragsytarar og partnarar
Fleire partnarar arbeider saman og bidreg inn i Fjellviten-prosjektet:
Norsk Fjellsenter; Klimapark 2469; Innlandet fylkeskommune; Norsk institutt for naturforskning (NINA); Norges teknisk-naturvitenskapelige universitet (NTNU); Naturhistorisk museum; Universitetet i Oslo / Institutt for geofag; Meteorologisk institutt; Norges vassdrags- og energidirektorat (NVE); Universitetet i Bergen; Bjerknessenteret for klimaforskning.
Fjellviten-prosjektet er finansiert av Sparebankstiftelsen DNB, Noreg.