Ein svært stor ring er oppdaga rundt ringplaneten Saturn. Det fantastiske ringsystemet til planeten vart først sett av Galileo Galilei i 1609, men no er ein ny ring overraskande nok oppdaga. Det passar derfor spesielt bra at oppdaginga er gjord i Det internasjonale astronomiåret.
Kunstnarisk framstilling av den nesten usynlege ringen rundt Saturn. Oppdaginga av ho utan samanlikning største ringen i Solsystemet vart gjord med det NASAs Spitzer-teleskop som observerer infraraud stråling. Saturn er berre ein liten flekk inne i sentrum av ringsystemet. Mesteparten av materialet i den nyoppdaga ringen ligg frå 6 til 18 millionar km frå planeten. Ringens diameter svarer til omtrent 300 Saturn-diametrar. Inne i sirkelen er det eit forstørra bilete av Saturn i infraraudt lys. Foto: NASA/JPL-Caltech/Keck
Oppdaginga av ein av dei største enkelt-strukturane i Solsystemet er gjorde med NASAs Spitzer-teleskop som observerer infraraudt lys (varmestråling) frå kjølige objekt i verdsrommet. Ringen er svært brei: Hovudtyngda av materialet i ringen er 6–18 millionar kilometer frå Saturn, og ringen er stor nok til å romma omkring ein milliard jordklodar.
Ein av dei ytre månane til Saturn, Phoebe, er inne i den nyoppdaga ringen og er sannsynlegvis kjelda til materialet i ringen.
Tettleiken av is- og støvpartiklane i ringen er veldig låg. Spitzer klarte registrera gløden frå støvet, som held 190 minusgrader.
Oppdaginga ser ut til å hjelpa til å løysa mysteriet med månen Iapetus. Denne månen har ei side som er lys og ein som er veldig mørk.
Kjemperingen kan rett og slett vera forklaringa på fargeforskjellen: Ringpartiklane sirklar rundt Saturn i same retning som Phoebe, medan Iapetus og dei fleste av dei andre Saturn-månane bevegar seg motsett veg. Noko av det mørke og støvete materialet frå den ytre ringen bevegar seg innover mot Iapetus og dundrar inn i den isete månen som insekt på frontruta på ein bil.