Fredag og laurdag i førre veke arrangerte fleire einingar ved UiO "Forskningstorg om kropp og sinn" i samarbeid med Teknisk Museum. Medisinsk fakultet har vore primus motor, med bidrag frå Odontologisk fakultet, Psykologisk institutt og Farmasøytisk institutt. Folkehelseinstituttet stilte og med stand, og arrangementet var ein del av Forskingsdagane.
Fredag stilte 400 påmelde elevar frå femte trinn til vgs, og laurdag var det opent for publikum. Begge dagar var godt besøkt.
Farmasøytisk institutt stilte med standen "Medisiner og lys". Professor Hanne Hjorth Tønnesen, som med god hjelp av kollegaar frå seksjonen hadde hovudansvaret for standen, var fornøgd med responsen frå publikum.
